Sandino

Koot vüür Massaya steht links'ne Birch römm

'ne Birch, wie 'n Kinder mohle, steil un spetz

Mit 'ner Asphaltstrooß, die ahn ihm huhklimmp

Un nem Betonschloß, dat wer dropjesetz

- heiß Coyotepe, un wenn wer huhjeht

Hührte dä Schrei noch, weil dä nie verhallt

Dä noch anklaach un fleht, - he wo nur noch Wind weht

Durch Kellerflure, dunkel, feucht un kalt

Luhrt durch die Zinne, do litt Monimbo'

Dös friedlich ungen en der Meddachssonn

Do jitt et Helde, - tatsächlich Helde

Luhrt se üch ahn, sons wedd'er't nie verstonn

Refr.:

Sandino, ich hann ding Enkel jesinn, Sandino

Wa's loss en dingem Graav?

't weed Zick, dat du als letzter laachs... dodrinn!

Sandino, ey Mann, ihr kritt dat hin!!

Ich jönn dir, dat du endlich laachs... laachs un laachs

Conquistadore en Caravelle un späder dann die Technokrate en Jets

Hann immer widder un övverall he üch Marionette op der Thron jesetz

Bloot in Haiti, Verschwundne'n Chile, Mütter en schwazz in Paraguay

Witwen en Träne, Contra-Hyäne, Rekorderlöse en Panama