Allo le Système!

[المقطع الأول] الطوفان راهو جاي، ناضو الزواولة خرجو ولاد الشعب و خرج موح مول الطابلة الخزينة à plat، البلاد راها عاطلة الموس ثقب العضم و طالت بينا الطايلة ضربتو التعليم، برديتو الجيل و راها سايبة Société عايبة، راها الثقافة غايبة الشعب يسوطي في بوطي و انتوما حاسبين تبقو فيها خالدين ردمتونا فالحياة، خليتو الموتى حاكمين ضحّكتو عينا قاع الاجناس و بقينا اللخرين مازال الناس مالجوع تموت ونتوما زاهيين، بولادكم لاهيين طلّعتو الحيط في Club des Pins و راكو مخبيين ألف مليار فالريح مشات و مازال طامعين، فالبقرة حالبين قسّمتو الغلة و مال البترول و راكو مكملين علينا عافسين و اليوم مارانا ساكتين، مارانا خايفين [اللازمة] جمهورية، بغيناها شعبية ديموقراطية، ماهي ملكية الزوالي كواتو كية، مالكادر راه تقيا رانا جينا طوفان، خطونا يا الباندية جمهورية، بغيناها شعبية ديموقراطية، ماهي ملكية الزوالي كواتو كية، مالكادر راه تقيا رانا جينا طوفان، خطونا يا الباندية [جسر] Allo, allo le Système! راك تسمع فيا ولا راني نهدر وحدي كيما مداري Allo-o! [المقطع الثاني] اسمعني مليح يا شيات قتلك فالرابعة غير نساني في خبزك أنا ماني طامعة كليتو البلاد يا الحركى و اليوم راهي حابسة و بغيتو تزيدو الخامسة، حسبتو الشبيبة ناعسة خرجنا للزنقة نقولو خلاص وراكم خايفين، للفوضى حابين خسرتو و ربحنا هاذ المرة وماكم طالقين راكم حالفين تخلو البلاد في محنة كحلة وتبدو هاربين رانا شافيين، ما رانا ناسيين، ما رانا مسامحين خدعتو التاريخ و الثورة ومازال كاين شاهدين عليكم حاقدين، إن شاء الله ترجع هاذ البلاد و تعودو خايبين [اللازمة] جمهورية، بغيناها شعبية ديموقراطية، ماهي ملكية الزوالي كواتو كية، مالكادر راه تقيا رانا جينا طوفان، خطونا يا الباندية جمهورية، بغيناها شعبية ديموقراطية، ماهي ملكية الزوالي كواتو كية، مالكادر راه تقيا رانا جينا طوفان، خطونا يا الباندية جمهورية، بغيناها شعبية ديموقراطية، ماهي ملكية الزوالي كواتو كية، مالكادر راه تقيا رانا جينا طوفان، خطونا يا الباندية جمهورية، بغيناها شعبية ديموقراطية، ماهي ملكية الزوالي كواتو كية، مالكادر راه تقيا رانا جينا طوفان، خطونا يا الباندية