Phool

Tu ne dil torha pehle mene phool torha baad mein
Saari zindagi guzaar di ehsaas mein
Tu phool tha mera par na jaane kis ke baagh mein
Aa milo doobara kaheen mar na jaen yaad mein

Hum mar mitenge tum pe yahi khaa li hai qasam
Kabhi khushhiyan had se ziada kabhi nazil hote gham
Aur ab hum tumse kia hi kren gilah
Tu is tarah se rootha ke dubaara hi na mila

Mujhe Na do dilase jab toote huway hain raastay
Tute huwayy dil aur jhoote tere vaastay
us raastay se jahan tum aur me guzarte thay
Poochte hain log tum dono to ek saath thay

Par aaj se
Humne dekha aai'non me dil hain kaanch se
Toot jaate hain ye ab teri aawaz se
Toot jaate hain ye khaali pan me yaad se
Kia hi mil sakengay phr hamare raastay

Kia ye mumkin hai ke koi aesa sochta hoga
Koi bewajah hi kyun phoolon ko nochta hoga
Ya phir raaston mein mere qadam khojta hoga

Jo na mil sake ga uske liye daurhte ho kyun
Jin ke bin na reh sakoge unhain chorhte ho kyun
Kitne jhoote ho tum kehte ho ke chahte ho mujhe
Itna hi chahte ho phir mujhe kyun torhte ho tum bewajah

Main woh phool jo k shaakh mein hi reh gaya tha
kahaniyo mein or yaad mein hi reh gaya tha
Main chahta tha k koi a kr torh le mujhe bhi
Main chahta tha koi khud se jorh le mujhe bhi

Lagi ek nazar mujhe or main phr murjha hi gaya
Main toota phool ki tarah or phr dargah hi gaya
Kisi ne khaar mein nocha kisi ne pyar banaya
Kisi ne qabar par daala kisi ne haar banaya

Kisi ne rond diya is trah se paaon main
K Itna burra to kisi ka na chahoon main
Main be-jan parha bas wahan ye sochta rehta
K Kis trah se apni shaakh se jurrh jaon main

uske baad mene khuwahishon ko maar diya
Yaani ye to bas ehsaas tha ek khuwaab hi mein
Acha hua main baagh mein hi reh gaya tha
Acha hua main reh gaya tha shaakh hi mein

Hai bharam is dil ka tu isko chonkayega
Ye sab se kehta hai tu iski janib lout ayega
Wo wahda kar k gaya hai, wo kese bhool Jayega
Wo mere liye wapsi mein wohi phool laayega

Ab main maafi kis se mangoonga main is bhool k liye
Main nay phool torha hai apne ek phool k liye
Ab main maafi kis se mangoonga main is bhool k liye
Main nay phool torha hai apne ek phool k liye

Ae dil ki gali, ab ye veraa'n hogayi
Parr tu hai ab nahi
Jane ye tuu ya nahi