E wieß Blatt Papier, ne Bleisteff
Jedanke bei dir, setz ich
Ahm Finster un hühr, wat sich
Avvspillt vüür der Düür, bess ich
Avvrötsch en die Zick, en der et dich für mich nit joov
Un mir ming Levve vürm Daach X op einmohl vüürkütt wie en Stroof
Do kanns zaubre, wie ding Mamm, die Kaate läät
Irjendsujet muss et sinn
Jede Andre hätt jesaat: "Et ess zo spät
Dä Typ ess fäädisch, nä, dä Typ
Dä krisste wirklich nit mieh hin"
Mem Rögge zur Wand, spaßend
Un jede Naach voll woor ich
Ming bessje Verstand hassend
Total vun der Roll woor ich
T'schlemmste woor, als mir, wie do mich endlich registriert
Entsetzlich klarwoot, dat et jetz oder nie met uns zwei passiert
Mensch, woor ich nervös, als ich
Dir alles jesaat - hektisch
Un trotzdämm erlös, weil do mich
Nit treck ussjelaach un dich
Für mich intressiert häss, für all dä Stuss, dä uss mir kohm
Für all dä Laber, dä’sch jebraat hann, weil die Changs zo plötzlich kohm
Do kanns zaubre, wie ding Mamm, die Kaate läät
Irjendsujet muss et sinn
Jede Andre hätt jesaat: "Et ess zo spät
Dä Typ ess fäädisch, nä, dä Typ
Dä krisste wirklich nit mieh hin"
E wieß Blatt Papier, ne Bleisteff
Jedanke bei dir, setz ich
Ahm Finster un hühr en mich
Krich kaum jet notiert, weil ich
Immer noch nit raffe, dat mir uns tatsächlich hann
Un mir deshalb halt wießmaache, dat do wirklich zaubre kanns
READ MORE ABOUT BLÄCK FÖÖSS