Twal Ble

Nan mitan yon nwit sonm m ap gad reflè w k ap pote m

Chemine ak mwen

Karese lanjelis ak popyè w

OU se dlo k ap koule nan kè m fè jaden m boujonnen lawouze w devlope m devlopmanm mouye tranp

M ekri w sou pachmenm

Pote flanbo w nan panse m gad jon lanmou etranj

Tranpe ak losyon w

OU banm fòs kote fòs mistè kache m konprann emosyon w

OU son rebèl mache Sou 13 pa pile 14

Marande m ak twal ble w si bouji ble m fè foli sispann fè patinay

Paka efase s ak tache nan panse m li mèt fè farinay

Li enposib pou istwa nou vante te

Konnen w jalou tikè w ponyade

OU se nègès ki pran kou mеn ki pare pou sa k vin pote m ale

M an trans an dansan nan bra w sеlebre lanmou ven wouj ap koule

Plonje nan esans nan esans OU se SA k esansyèl ki fè m jayi wete chapo nan miwa lakansyèl

Nan ke ròb ou m vlope

Yo choke

Sa k te vle stope m

Nan kè w m wè jaden m ap fleri m wè byen nèt

Avò w mwen santi m bon OU fè mwen santi bon avèk byennèt

Pòt mwen louvri rantre bazilik fè tapi wouj son rènn m ap resevwa

Sa k fè m koube m byen ba devan w pou m pa janm desevwa w

Gade tchovi tande kri

Pri yo

Tande bri yo

N ap bwè chanpay manje griyo

3 zyèm je m louvri ak lòv OU pote banm

Fanm janm k ap monte gam

Avò w m konte pa m

Nan chak dans lavi ou bò kote pa m

Avò w pou m fè depam

Ou son van k ap pote m vwa w si dous m pa janm dewoute

Nan mwen SE bagèt enènèji w k ap klere m yo panse m nan obskirite yo pat janm vle goute

Siksè lanmou met nan menm verite a solid

Nan bra w mwen kagou

Nanpwen dòmi nan je èske m nan rèv m ta vle pa reveye anndan yon ensomni

Madoken homie